رايكم يهمنا

هدر فلوس فقط وضرر للمكينة بسبب انة زين لاتوجد فية لزوجة ممايتسبب في عطل طرمبة الزيت وتخبيط المكينة

تصحيح زين = زيت

أعرف واحد صب من هالمنتجات بمرسيدس طلبه من خلال دعايه تلفزيون ... وخبطت المكينه على طوووول

يارجال مايحتاج وخل دراهمك بمخباك
انت بس حط زيت نوع كويس ويكون مهب معاد تكريرة مثل الماجنتيك او A1  وبس ماعليك من هالدعايات

اذا موترك نظيف ومحافظ على تغيير زيوته نصيحه أخويه لاتحطه 

 لانه من المحتمل تحوس موترك بيدك
 
 أشوف انه دعاية       وغير ضروري للموتر النظيف 
 
 

 سبق وأن قرات عن واحد ودى موتر أبوه الشاص وفعلا غسل الماكينة
 الرحال يقول قبل الغسيل كان الموتر صافي ونشيط
 لكن من بعد فترة من الغسيل وبشكل تدريجي
 صوت المكينة بدأ يتغير وصار غير طبيعي
 وبالنهاية  تخبيط ، وبعد فك كرتير الزيت لاحظ تجمع الشمع على طرمبة الزيت وبالتالي ضعفها 
ثم تخبيط
  
ايش الحاصل ؟
  
اللي حصل باختصار 
ان مادة التنظيف نظفت كل الأوساخ القوية و (السالفج) بالانقليزي اي الشمع الناتج من الزيت 
وبعضهه طلع مع صرة الزيت
 والباقي ماطلع
  
اللي ماطلع لزق بالشخالة حقت طرمبة الزيت

فكوك . أحسنت . 

مافي شي اسمو زيت تنظيف كلام فاضي دعايه بس تبي تنظف المكينة غير زيت عادي وقبل ما تمشي مسافة الزيت الإفتراضية غير كذا تنظف او استلم خط وغير بعدها

سكودر لنا تجربه في غسيل المكينه وكانت كارثه تسببت في توضيب المكينه توضيب كامل

القصه الوالد معه لاندكروز 2009 غير الزيت عند بنشري بدون ما أذكر جنسيته قاله البنشري 

تبيني أغسل المكينه وقعد يمدح الغسيل وأنه يزيل جميع الرواسب والأوساخ الوالد قال على خير 

قام البنشري وفرغ الزيت القديم وصب مكانه زيت دركسون بالمكينه وشغلها 5 دقائق وبعدها طفى المكينه

وفرغ الزيت وركب سيفون وزيت جديد بعدها بإسبوع خبطة السياره والزيت معياره سليم تدري وش السبب

السبب تسكر الشخال اللي بالكلتلير وسد المسامات اللي فيه من الرواسب بعد الغسيل لأن الطرمبه قاعده تشفط أثناء الغسيل

طبعا إكتشفنا السالفه بعد فك المكينه وشفتها بعيني وشلون متسكر وكتبتها بأحد مواضيعي (إحذر من غسيل الماكينه من الداخل) تقدر تشوف الصور فيه

خلاصة السالفه الغسيل  طريقه جديده لسحب كميه من المال  من العميل ولا أنصحك بها وأنت أكثر خبره مني في عالم الميكانيكا

سعر زيت الغسيل الغير معروف مصدره 85 ريال

سعر 4 علب زيت حقيقي 56 ريال

الحل حط لك 4 علب زيت حقيقي ب 56 ريال وخذ لك لفة وارجع للبنشري وقل له غير لي الزيت والسيفون


وكذا غسلت ابو المكينة ياشيخ ..!!

وبدون خوف بعد

يعطيكم العافية يالغالين على المعلومة وتفاعلكم  

 ابو سند الله يعوضه بااحسن منه انا مادخلت مزاجي فكره بسس قلت استفسر  لني عامل فلبيني يقول هذا زيت عباره عن زيت خفيف وينظف 

 وقاعد يمدح فيه وانا اقوله غير زيت وسيفون مالي بخرابيط هذي  والي اشوفه فيه ناس كثرين يحطونه  مستغرب منهم بسس 

ولا بترومين لي تجارب معهم احسن مافيهم زيوتهم فقط  ولونهم غالين اشوي بس ناس تثق فيهم ثقه عميا  انا قدر جربت منتجهم الي ينظف بخاخات والله ماستفدت منه شي دعايه وخرابيط وبعدها خذيت موقف منهم ماعد اجرب منهم شي  والحين بس زيت وسيفون غيره ماعطيهم وجه 

واخذت منتج من ساكو حق بخاخات والله فادني اكثر منهم وسعره 15 ريال وتنظيف بخاخات عندهم 200 ريال ولا فيه فايده خسرات فلوس على فاضي 

انا غسلت المكينة قبل اسبوعين عند بترومين نفس الزيت الي في الصورة
اول شي فك الزيت القديم وبعدين ركب الصرة وصب زيت الغسيل الي في الصورة وكان ابيض تقريبا شفاف وشغلت السيارة حوالي 5 دقايق وبعدين طفيتها وبعدين فك الصرة علشان ينزل زيت الغسيل وصار مائل للبني الغامق وبعدين ركب الصرة وصب الزيت الجديد ...
الزبدة دفعت حوالي 190 ريال 5 علب زيت كاسترول وزيت الغسيل بـ 80 ريال
الزبدة رقم 2 هههههعهههه ما لاحظت اي تغير في السيارة اللهم ان الزيت اصبح لونه فاتح وسلامتكم

وعليكم السلام 
انا لي تجربتين
الاولى قبل 20 سنه تقريبا اشتريت منتج من ديلكو AC كان ينباع عند محلات قطع الغيار وعند الوكيل سابقا بالبيد يوضع مع الزيت
وتخلي المحرك شغال من 15 الى 20 دقيقه ولما جربته فرق معي بصوت المحرك وقوته وتسارعه تحسن بشكل كبير وواضح
وللاسف انا لي فتره ادور على هذا المنتج لكن ماني بلاقيه
اما التجربه الثانيه فكانت مع زيت فوكس الشفاف المخصص لغسيل المحركات جربته لكن ما لاحظت فيه فرق الا انه قبل استخدامه
كان لونه شفاف مثل الماء وبعد غسيل المحرك اصبح اسود وغير كذا مالاحظت شي

رحت لساكو ولقيت منتجات امريكيه مثل هذي لتنظيف المكينه
اذا تبي تغامر روح لساكو والمنتجات ذيك اضمن من هذي

وعطنا النتيجه عشان بجرب بعدك 

انا مجربه لاحظ يكبه العامل ذهبي واذا فك الصره نزل اسود مجرد غسيل بس خفيف مره لو طولت السياره تشتغل او دعست بنزين يضر المكينه

السبب لكثرة اللي ينظفو المكينة العامل النشبة

انا غيرت زيت عندهم قبل كم يوم جاني العامل يقولي شوف الزيت اسود كتيييييير قلتلو طيب ؟ و انا ليش جايك ؟
قلي لازم غسيل مكينة عشان زيت كتير وسخ
قلتله شكرا ما ابغى غير زيت و الفلتر و خلاص قام اعطاني ذيك النظرة اللي ترا بتعدم مكينتك
المهم ما علينا رحت جلست الا شوي يناديني يوم فك الصرة يقولي تعال شوف
نزلت تحت قلت لا يكون في شي في السيارة
قلي شوف كيف لون زيت ....
لاحول الله قلتله طيب و بعدين قلي لو ما نظفت المكينة رح تخبط عليك هههههههههههه
قلتله يبن الحلال سيارتي ماشية 150 الف و ما اغير الزيت الا اذا كان اسود اصلن هو ما يسير
اسود الا بعد ما امشي عليه 10 الاف او 11 الف و الزيت اللي اغيره موبيل 1
ولا سار شي قلي انتا مافي معلوم انا وقتها بدا خلقي يضيق منه و عصبني الصراحة
قلتلة تدري ماني مغير الزيت و روح نادي المدير بشتكيك عنده
جا المدير و قاعد يتاسف و خلصت الهرجة

الزبده اغلب اللي يغيروه بسبب القروشه اللي يسويها لهم العامل

انا قريت في كتلوج المركيز تحذير من اي مادة تصبها في المكينة غير زيتها، لأن اصلًا  التنظيف من مهمات الزيت الاساسية بعد التشحيم والتبريد